Qëndrim Zyrtar i DPSHL – Dy Letra Zyrtare dërguar Delegacionit të BE-së në Tiranë dhe Komisionit Europian
Diaspora për Shqipërinë e Lirë (DPSHL) ka dorëzuar dy Letra zyrtare – një në Delegacionin e Bashkimit Europian në Tiranë dhe një në Komisionin Europian në Bruksel, ku kërkojmë qartësim zyrtar mbi deklaratat publike të bëra nga zyrtarë të BE-së lidhur me Ligjin e ri “Për Barazinë Gjinore” (2025).
Pse u dërguan këto kërkesa?
Gjatë debatit publik dhe parlamentar për këtë ligj, disa deklarata të zyrtarëve të BE-së — përfshirë Komisionin Europian, Komisioneren Marta Kos dhe Ambasadorin Silvio Gonzato i Delegacionin të BE-së në Tiranë — janë interpretuar gjerësisht si pohim se:
Ligji i propozuar është një “detyrim i BE-së” dhe një pjesë e “acquis”-it europian.
Kjo krijoi perceptimin se:
– Shqipëria duhet të njohë shumëllojshmëri të “identiteteve gjinore”;
– ndryshimi i gjinisë me vetëdeklarim është i kërkuar nga BE-ja;
– konceptet e reja të gjinisë fluide janë të domosdoshme për procesin e integrimit.
Në realitet, asnjë nga këto nuk është kërkesë e së drejtës së BE-së.
Këtë e konfirmojnë të gjitha direktivat e BE-së dhe jurisprudenca e Gjykatës së Drejtësisë (CJEU), e cila thekson se: Përcaktimi i kushteve ligjore të njohjes së gjinisë mbetet kompetencë ekskluzive e shteteve anëtare.
Çfarë kërkojmë zyrtarisht nga BE-ja?
Në të dyja komunikimet zyrtare, DPSHL i ka kërkuar Komisionit Europian dhe Delegacionit të BE-së në Tiranë që:
– Të japin një qartësim të shkruar se çfarë kërkon dhe çfarë nuk kërkon e drejta europiane në fushën e barazisë gjinore.
– Të ripohojnë se gjinia, gjendja civile dhe e drejta familjare mbeten kompetencë kombëtare, jo kërkesë e BE-së.
– Të rishikojnë deklaratat publike të bëra nga zyrtarët e tyre, nëse ato ishin në përputhje me parimet e neutralitetit, saktësisë dhe transparencës.
– Të korrigjojnë publikisht, nëse është e nevojshme, keqinterpretimet që janë përhapur në Shqipëri.
– Të garantojnë që DG NEAR dhe Delegacionet e BE-së ruajnë neutralitet institucional në vendet kandidate në çështje të ndjeshme dhe të diskutueshme shoqërore.
Qëllimi ynë është vetëm transparenca, integriteti i procesit demokratik, dhe mbrojtja e besimit publik në procesin e integrimit europian të Shqipërisë.
Shqipëria ka nevojë për debat të ndershëm dhe për informacion të saktë, jo për keqkuptime mbi natyrën dhe përmbajtjen e së drejtës së BE-së.
Dokumentet e dërguara:
➡️ Letra drejtuar Komisionit Europian (për Presidenten von der Leyen).
➡️ Letra drejtuar Delegacionit të BE-së në Tiranë dhe Ambasadorit Silvio Gonzato.
➡️ Këto shkresa iu dërguan edhe Presidentit të Republikës së Shqipërisë
DPSHL do të mbrojë gjithmonë transparencën dhe saktësinë e procesit të integrimit europian të Shqipërisë.
Ne do të informojmë publikun menjëherë sapo të marrim përgjigje zyrtare nga institucionet e BE-së.