Kreu i PD, Sali Berisha mori pjesë në Kongresin e 37-të të CDU në Berlin, ku u takua me kandidatin për kancelar të Gjermanisë Friedrich Merz.
Përmes një postimi në faqen e vet në Facebook Berisha e cilëson ngjarjen si një ogur të bardhë për fitoren e opozitës.
“Sot në Berlin, në Kongresin e 37-të të CDU. Kongresin e Fitores.
Një shtrëngim i përzemërt duarsh me Kancelarin e ardhshëm të Gjermanisë, njeriun më të fuqishëm të Europës, Friedrich Merz. 34 vite më parë, Kancelari Helmut Kohl do ishte Kryeministri i parë që do të takoja ne Bon! Ogur i bardhë për fitoren e opozitës”, shkruan Berisha.
Kreu i PD ka patur gjithashtu takim edhe me kryetaren e forumit të gruas të PPE Doris Pack. Në profilin e saj në facebook ajo shkruan “Takim me Sali Berishën pas gati një viti arresti shtëpiak dhënë nga një gjykatë sipas drejtësisë së Edi Ramës”.
