Partia Demokratike ka denoncuar publikisht një praktikë të dyshuar të Partisë Socialiste, duke i akuzuar disa individë si patronazhistë të PS-së që janë regjistruar si vëzhgues të pavarur për zgjedhjet vendore të 11 majit 2025. Në një deklaratë për mediat, Genta Vangjeli, zëdhënëse për Antikorrupsionin në PD, e cilësoi këtë veprim si një shkelje të rëndë të parimit të paanësisë zgjedhore dhe kërkoi hetim të menjëhershëm nga organet kompetente.
Sipas PD-së, disa nga personat e përfshirë janë të njohur për angazhimin e tyre politik me PS-në dhe kanë qenë aktivë në fushatat zgjedhore të partisë në pushtet, duke përfshirë rrjetet sociale. Kjo, sipas PD-së, përbën një shkelje flagrante të paanësisë që kërkohet nga roli i vëzhguesit zgjedhor.
Partia Demokratike ka publikuar një listë prej 13 emrash që, sipas saj, janë të lidhur me rrjetin e patronazhistëve dhe ka njoftuar se verifikimi po vijon për emra të tjerë. Çështja do t’i referohet organeve të hetimit për veprime të mëtejshme ligjore.
Ky zhvillim ka ngritur shqetësime për integritetin e procesit zgjedhor dhe ka nxitur kërkesa për hetime të thelluara dhe transparencë në administrimin e zgjedhjeve.
Deklarata e zëdhënëses së Antikorrupsionit në PD, Genta Vangjeli:
Komisioneri Shtetëror i Zgjedhjeve pas shqyrtimit të kërkesave ka nxjerrë vendimet respektive për akreditimin e vëzhguesve të procesit zgjedhor. Dyshimin e PD për vendosjen e emrave të patronazhistëve të qeverisë Rama, në përmbajtje të listave emërore të vëzhguesve të akredituar nga Komisioneri Shtetëror i Zgjedhjeve.
Si është e mundur që këto personazhe futen deri në organizma ndërkombëtare, që janë garancia e zgjedhjeve, besimi dhe certifikimi?
Në shkelje të hapur të standardeve zgjedhore , vëzhguesit që prezumohen të jenë të pavarur shfaqen krejtësisht të njëanshëm madje bëjnë propagadë fushate për PS edhe publikisht në rrjete sociale.
Emrat e identifikuar deri tani janë:
Besmir Hallaçi VKSH nr.614, dt.25.04.2025
Ardit Hoxha VKSH nr.595, dt.25.04.2025
Enxhi Karaj VKSH nr.599, dt.25.04.2025
Gerta Vasku VKSH nr.605, dt.25.04.2025
Bardhyl Fejzo VKSH nr.617, dt.25.04.2025
Dorian Hila VKSH nr.634, dt.25.04.2025
Stenli Denaj VKSH nr.634, dt.25.04.2025
Elis Alimeri VKSH nr.634, dt.25.04.2025
Besnik Demaj VKSH nr.634, dt.25.04.2025
Robert Qirollari VKSH nr.588, dt.25.04.2025
Klodjan Cani VKSH nr.588, dt.25.04.2025
Eugerta Bakiu VKSH nr.589, dt.25.04.2025
Partia Demokratike po vijon verifikimin e të gjithë emrave të vëzhguesve të ashtuquajtur të pavarur dhe të gjitha rastet e identifikuara do të referohen me urgjencë në organet e hetimit.