10 arsye pse “David” është kaq mahnitës

1. David mund të jetë vepra më e përsosur e artit e krijuar ndonjëherë. Megjithatë ajo është gdhendur nga një bllok guri jo fort i përshtatshëm për skulpturë.

2. Figura kolosale është 17 metra e lartë, e barabartë me një ndërtesë 2-katëshe. Ajo është gdhendur nga një bllok i madh mermeri Carrara.

3. Blloku nga i cili ishte gdhendur ishte i dëmtuar. Dy skulptorë u ngarkuan me komisionin përpara se Michelangelo të merrte detyrën, por asnjëri nuk mund të punonte me sukses gurin me cilësi jo të mirë.

4. Mënyra si është gdhendur Davidi ishte si rezultat i formës së gurit. Ai është i hollë në figurë dhe koka e tij është e drejtuar anash sepse blloku ishte shumë i ngushtë që David të mund të shikonte përpara . Qëndrimi i tij kontraposto vjen si rezultat i një vrime që ekzistonte në mermer midis këmbëve.

5. Michelangelo ishte vetëm 26 vjeç kur e filloi dhe 28 kur e mbaroi. Ai ishte tashmë një nga skulptorët më të mirë të gjallë në atë moment, pasi kishte përfunduar “Pietà” kur ishte 24 vjeç.

6. Fillimisht ishte menduar të vendosej në majë të çatisë së Katedrales së Firences.
Kur përfundoi, ishte thjeshtë shumë e bukur dhe e madhe për t’u ngritur atje lart dhe në vend të kësaj u shfaq në Palazzo della Signoria.

7. Studimet moderne kanë gjetur se ai është anatomikisht i përsosur, përveç një muskuli të vogël që mungon në shpinë. Michelangelo, i cili studioi me skrupulozitet anatominë, ishte i vetëdijshëm për këtë. Ai më vonë shkroi se ishte i kufizuar nga një defekt në mermer.

8. Vena jugulare në qafën e Davidit është e fryrë, e përshtatshme për dikë në gjendje frike ose emocioni (siç do të kishte qenë bariu i ri). Michelangelo me sa duket e dinte se kjo ishte një veçori e sistemit të qarkullimit të gjakut por shkenca mjekësore nuk e dokumentoi këtë zbulim për 124 vjet të tjera.

9. Ishte stilistikisht novator. Interpretimet e mëparshme të Davidit, si nga Donatello dhe Verrocchio, e përshkruanin atë fitimtar mbi Goliathin tashmë të vrarë. Këtu, ai është në greminën e betejës, vështrimi i tij intensiv dhe vetulla e rrudhur përshkruajnë një moment soditës.

10. Davidi përfaqëson formën dhe proporcionin e perpiktë mashkullor, një temë e zakonshme e skulpturës klasike greke. Por puna e Mikelanxhelos është shumë më natyraliste, e rrënjosur në një kuptim anatomik që i ka kaluar shumë grekët. Davidi është edhe një paraqitje e bukur e idealit – një arritje përcaktuese e Rilindjes Italiane.

Sot, rreth 1.5 milion njerëz vizitojnë Davidin çdo vit. Ai ka jetuar në Galerinë Accademia në Firence për 150 vjet tani, që kur u zhvendos brenda në 1873 për ta mbrojtur atë nga elementët.

Nuk është çudi, Davidi fitoi admirimin e artistit dhe historianit të madh të Rilindjes, Giorgio Vasari:

“Kur gjithçka përfundoi, nuk mund të mohohet se kjo vepër ka shkëputur vemendjen nga të gjitha statujat e tjera, moderne apo të lashta, greke apo latine. Asnjë vepër tjetër arti nuk është e barabartë me të në asnjë aspekt, me përmasa, bukuri dhe përsosmëri kaq të drejtë”.